“ ວ່ອງໄວ ກ້າວໄກ ໄປຄຽງຄູ່ທ່ານ
SWIFT COMPLETE ACCESSIBLE”

ໃນຕອນບ່າຍຂອງ ວັນພຸດ, ວັນທີ 22 ພະຈິກ 2023 ຜ່ານມາ ທີ່ ທະນາຄານສົ່ງເສີມກະສິກຳ ຈໍາກັດ ສຳນັກງານໃຫຍ່ ນະຄອນຫຼວງວຽງຈັນ ໄດ້ຈັດຕັ້ງພິທີ ປະກາດການຈັດຕັ້ງ ແລະ ມອບ-ຮັບໜ້າທີ່ ລະຫວ່າງ ທ່ານ ບຸນເລີດ ສິນລາດຊະວົງ ຜູ້ອຳນວຍການ ທະນາຄານສົ່ງເສີມກະສິກຳ ຈໍາກັດ (ຜູ້ເກົ່າ) ແລະ ທ່ານ ພິລາວັນ ສໍພາບມີໄຊ ຜູ້ອຳນວຍການ ທະນາຄານສົ່ງເສີມກະສິກຳ ຈໍາກັດ (ຜູ້ໃໝ່) ຂຶ້ນຢ່າງເປັນທາງການ.

ໃນງານຄັ້ງນີ້ ໃຫ້ກຽດເປັນປະທານ ໂດຍ ທ່ານ ນ. ຂັນແກ້ວ ຫຼ້າມະນີເງົາ ຮອງຜູ້ວ່າການ ທະນາຄານແຫ່ງ ສປປ ລາວ, ທ່ານ ພົງສະຫວັດ ເສນາພວນ ປະທານ ສະພາບໍລິຫານ ທສກ ພ້ອມດ້ວຍຄະນະກົມ ຈາກ ທະນາຄານແຫ່ງ ສປປ ລາວ, ຄະນະກົມ ຈາກ ກະຊວງການເງິນ, ຄະນະສະພາບໍລິຫານ ທສກ, ທະນາຄານທຸລະກິດ, ບັນດາບໍລິສັດຮ່ວມທຶນ, ພະນັກງານການນໍາພາຍໃນ ທສກ ແລະ ແຂກທີ່ມີກຽດເຂົ້າຮ່ວມເປັນສັກຂີພິຍານ.